Zamane Ka Sataya Hun Tumhara Naam Lewa Hun
Mere Waris Karam Kar Do, Karam Kar Do,
Karam Kar Do
Isi Umeed Pe Ab Tak Mere Sarkar Zinda Hun
Mere Waris Karam Kar Do, Karam Kar Do, Karam Kar Do
Main Hun La-chaar Ya Waris, Ho Tum Mukhtar Ya Waris
Karam Har Baar Ya Waris, Mere Sarkar Ya Waris
Ghamo Ki Bheed Lekar Main Tumhare Dar Pe Aaya Hun
Mere Waris Karam Kar Do, Karam Kar Do, Karam Kar Do
Mohammad Mustafa Wale, Ali Mushkil Kusha Wale
Janab e Fatima Wale, Shaheed e Karbala Wale
Tumhara Naam Le Le Kar Mere Sarkar Zinda Hun
Mere Waris Karam Kar Do, Karam Kar Do, Karam Kar Do
Meri Phehchan Ho Tum Hi, Mera Imaan Ho Tum Hi
Mera Armaan Ho Tum Hi, Har Aik Ehsan Ho Tum Hi
Tumhare Dar Se Hun Main Door Jeeta Hun Na Marta Hun
Mere Waris Karam Kar Do, Karam Kar Do, Karam Kar Do
Tum Hi Se Hai Bharam Apna, Tum Hi Se Hai Hasham Apna
Tumhe Kehte Hain Hum Apna, Sunaye Tumko Gham Apna
Bacha Lo Mujhko Ya Waris Ki Ab Ruswaye Duniya Hun
Mere Waris Karam Kar Do, Karam Kar Do, Karam Kar Do
Tumhare Naam Se Izzat, Tumhare Naam Se Barkat
Tumhare Naam Se Azmat, Tumhare Naam Se Shohrat
Ata Kar Do Ghulami Ki Sanad Main Be-sahara Hun
Mere Waris Karam Kar Do, Karam Kar Do, Karam Kar Do
Mere Aaqa Mere Waris, Mere Maula Mere Waris
Main Hun Tanha Mere Waris, Karam Itna Mere Waris
Ab Apna Keh Do Duniya Sochti Hai Be-sahara Hun
Mere Waris Karam Kar Do, Karam Kar Do, Karam Kar Do
Meri Jaa(n) Pe Ban Aayi Hai, Mere Maula Duhai Hai
Ghamo Ki Bheed Chahai Hai, Tum Hi Se Lo Lagai Hai
Buro(n) Se Bhi Bura Hun Par Tumhara Naam Lewa Hun
Mere Waris Karam Kar Do, Karam Kar Do, Karam Kar Do
Sarapa Be-kali Hun Main, Ki Mehroom e Khushi Hun Main
Mukammal Tishnagi Hun Main, 'Naseem e Warsi Hun Main
Mujhe Sairaab Kar Dijiye Main Aik Muddat Se Piyasa Hun
Mere Waris Karam Kar Do, Karam Kar Do, Karam Kar Do
Penned By: Janab Naseem Warsi (Moradabad)
No comments:
Post a Comment