Salam- Ya Nabi Salam Alaika!

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

Fakhre Aadam Fakhr-e Hawwa, Fakhr-e Nooh o Fakhr-e Yahya

Fakhr-e Ibrahim o Musa, Fakhr-e Ismail o Eesa

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

Rahmatoñ Ke Taaj Wale Do Jahañ Ke Raaj Wale

Arsh Ki Meraj Wale Aasiyoñ Ki Laaj Wale

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

Hai Yeh Hasrat Dar Pe Aayeñ Ashk Ke Dariya Bahayeñ

Daagh Seene Ke Dikhayeñ Samne Hokar Sunayeñ

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

Puri Ya Rab Ye Dua Kar Ham Dar-e Maula Pe Ja Kar

Pahle Kuchh Naateñ Suna kar Yuñ Padheñ Sar Ko Jhuka Kar

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

Baksh Do Jo Cheez Chaaho Kyuñke Mehboob-e Khuda Ho

Ab To Baab-e-Jood Waa Ho Haañ Jawab Iska Aata Ho

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

Ranj o Gham Khaaye Hue Hain Door Se Aaye Hue Hain

Tum Pe Itraaye Hue Hain Haath Phailaye Hue Hain

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

Jaan Kar Kaafi Sahara Le Liya Hai Dar Tumhara

Khalq Ke Waris Khudara Lo Salam Ab To Hamara

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

Haañ Yeh Pura Mudda’aa Ho Ham Hoñ Darbar-e Khuda Ho

Tum Udhar Jalwa-Numa Ho Is Taraf Se Ye Sada Ho

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

'Akbar-e Shaida Tumhara, Phir Raha Hai Mara Mara

Ja-Ba-Ja Tum Ko Pukara, Sun Lo Ab Iski Khudara

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

Aashiq-e Maayil Ki Suno Lo, Bani-e Mehfil Ki Sun Lo

Saamayiñ Ke Dil Ki Sun Lo, 'Akbar e Bismil Ki Sun Lo

Ya Nabi Salam Alaika Ya Rasool Salam Alaika

Ya Habeeb Salam Alaika salawatullah Alaika

Aap Shaah-e Ins o Jaañ Haiñ, Waris e Kaun o Makaañ Haiñ

Rahnuma-e Do Jahañ Haiñ, Peshwa-e Mursalañ Haiñ

Ya Nabi Salam Alaika Ya Rasool Salam Alaika

Ya Habeeb Salam Alaika salawatullah Alaika

Noor-e Rabb-ul-Aalami Ho, Jalwa-e Haqq-ul-Yaqeeñ Ho

Sarwar-e Duniya o Deeñ Ho, Dil Meiñ Aañkhoñ Mein Makeeñ Ho

Ya Nabi Salam Alaika Ya Rasool Salam Alaika

Ya Habeeb Salam Alaika salawatullah Alaika

Badshah-e Ambiya Ho, Noor-e Zaat-e Kibriya Ho

Haami-e Roz-e Jaza Ho, Khalq Ke Mushkil Kusha Ho

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

Arsh-e Azam Par Tum Hi Ho Khalq Ke Rahbar Tumhi Ho

Saaqi-e Kausar Tum Hi Ho Shaafa-e Mahshar Tum Hi Ho

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

Qaabil-e Mad’ho Sana Ho Jo Likhooñ Usse Siva Ho

Aapki Tausif Kya Ho Yaani Mahboob-e Khuda Ho

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

Door Hai Gham Ka Kinara Sarwar-e Aalam Khudara

Dijiye Jaldi Sahara Paar Ho Beda Hamara

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

 

Mere Maula Mere Sarwar Hai Yahi Armaan-e 'Akbar

Pahle Qadmoñ Par Rakhe Sar Phir Kahe Ye Sar Utha Kar

Ya Nabi Salam Alaika Ya Rasool Salam Alaika

Ya Habib Salam Alaika salawatullah Alaika

Penned By: Hazrat Khwaja Mohammad Akbar Warsiرح